TT Ads

CBSE 10th Exams Cancelled: సీబీఎస్‌ఈ పదో తరగతి బోర్డు పరీక్షలను రద్దు చేస్తున్నట్లు కేంద్ర ప్రభుత్వం ప్రకటించింది. అలాగే 12వ తరగతి పరీక్షలను వాయిదా వేస్తున్నట్లు తెలిపింది.

కరోనా ఉధృతి నేపథ్యంలో కేంద్ర ప్రభుత్వం కీలక నిర్ణయం తీసుకుంది.సీబీఎస్‌ఈ పదో తరగతి బోర్డు పరీక్షలను రద్దు చేస్తున్నట్లు ప్రకటించింది. అలాగే 12వ తరగతి పరీక్షలను వాయిదా వేస్తున్నట్లు తెలిపింది. కోవిడ్‌ పరిస్థితుల అనంతరం 12వ తరగతి పరీక్షలపై జూన్‌లో మరోసారి తుది నిర్ణయం తీసుకోనున్నారు. కోవిడ్‌ నేపథ్యంలో విద్యార్థుల తల్లిదండ్రులు, పలు పార్టీల నుంచి వస్తున్న ఫిర్యాదుల మేరకు ఈ నిర్ణయం తీసుకున్నారు.

దేశంలో కరోనా మహమ్మారి ఉగ్రరూపం దాలుస్తోంది. రోజూ లక్షన్నరకుపైగా కేసులు నమోదవున్నాయి. ఈ క్రమంలో బోర్డు పరీక్షలను రద్దు చేయాలని దేశవ్యాప్తంగా పలువురు కేంద్రాన్ని డిమాండ్‌ చేస్తున్నారు. ఈ పరీక్షలు కోవిడ్‌ హాట్‌స్పాట్‌ సెంటర్లుగా మారుతాయని.. రద్దు చేయాలంటూ ఢిల్లీ సీఎం కేజ్రీవాల్‌ కూడా కేంద్రాన్ని కోరారు. కాంగ్రెస్‌ నేత రాహుల్‌ గాంధీ కూడా పరీక్షలను రద్దు చేయాలని కోరారు.

కోవిడ్‌ విజృంభిస్తున్న తరుణంలో ఈ బోర్డు పరీక్షల నిర్వహణపై ప్రధానమంత్రి నరేంద్ర మోదీ స్వయంగా అధికారులతో సమీక్షించారు. బుధవారం ఆయన కోవిడ్ పరిస్థితులను పరిశీలించి పరీక్షలపై కీలక సూచనలు చేశారు. దీనిలో భాగంగా కేంద్ర విద్యాశాఖ, సెంట్రల్‌ బోర్డ్‌ ఆప్‌ సెకండరీ ఎడ్యూకేషన్‌ ఈ నిర్ణయం తీసుకుంది. సీబీఎస్ఈ 10వ తరగతి పరీక్షలను రద్దు చేస్తున్నట్లు పేర్కోంది. దీంతోపాటు 12వ తరగతి పరీక్షలను వాయిదా వేస్తూ నిర్ణయం తీసుకుంది.

అయితే.జూన్ 1న పరిస్థితిని సమీక్షించిన అనంతరం 12వ తరగతి పరీక్షల తేదీపై తదుపరి ప్రకటన చేస్తామని వెల్లడించింది. విద్యార్థులు ఇబ్బందులు పడకుండా పరీక్షలకు 15 రోజుల వ్యవధి ఉండేలా ముందు నోటిఫికేషన్‌ ఇస్తామని విద్యాశాఖ, సీబీఎస్‌ఈ బోర్డు వెల్లడించాయి.

TT Ads

Leave a Reply

Your email address will not be published. Required fields are marked *