సత్తుపల్లి లో వైయస్ షర్మిల చేపట్టిన నిరుద్యోగ దీక్ష సభకు వెళ్లి వస్తున్న ఎర్రుపాలెం మండలానికి చెందిన నలుగురు వ్యక్తులకు రోడ్డు ప్రమాదంలో తీవ్ర గాయాలు అయినట్లు సమాచారం. ఇంకా పూర్తి వివరాలు తెలియాల్సి ఉంది.

ఖమ్మం జిల్లా నూతన కలెక్టర్ గా పదవీ బాధ్యతలు చేపట్టిన వి.పి.గౌతమ్ గారిని కలెక్టర్ క్యాంపు కార్యాలయంలో మర్యాదపూర్వకంగా కలిసి శుభాకాంక్షలు తెలియజేసిన పోలీస్ కమిషనర్ విష్ణు యస్. వారియర్…అనంతరం శాఖపరమైన పలు ఆంశాలపై చర్చించారు.

బుధవారం పవిత్ర బక్రీద్‌ పర్వదినాన్ని పురస్కరించుకొని రాష్ట్రవ్యాప్తంగా ఉన్న ముస్లిం సోదర సోదరీ మణులకు రాష్ట్ర రవాణా, సమాచార పౌర సంబంధాల శాఖల మంత్రి పేర్ని వెంకట్రామయ్య ( నాని ) శుభాకాంక్షలు తెలిపారు.‘త్యాగం, సహనం, ఐక్యమత్యానికి ప్రతీక బక్రీద్’ అని అన్నారు.పవిత్ర ఇస్లానిక్ గ్రంధాల ప్రకారం తన ప్రియమైన వస్తువును త్యాగం చేయమని దేవుడు చెప్పినప్పుడు ప్రవక్త అబ్రహం తన కుమారుడు ఇస్మాయిల్ ను త్యాగం(బలి) చేయడానికి సిద్ధపడతాడు. ఆయన త్యాగానికి మెచ్చిన అల్లాహ్ ప్రాణత్యాగానికి బదులు ఓ జీవాన్ని బలివ్వాలని సూచిస్తారు. అప్పటి నుంచి బక్రీద్ రోజున ఖుర్బానీ ఇవ్వడం ఆనవాయితీగా మారింది. ఇందుకోసం బలిచ్చిన జీవాన్ని మూడు భాగాలుగా చేసి ఓ భాగం పేదలకు, రెండో భాగం బంధువులకు, మరో భాగం తన కుటుంబం కోసం వినియోగిస్తారు. దైవ ప్రవక్త ఇబ్రహీం త్యాగాన్ని స్మరించుకుంటూ ముస్లింలు ఈ పండుగను ప్రపంచ వ్యాప్తంగా జరుపుకుంటారని తెలిపారు.ప్రజలందరికీ అల్లా ఆశీస్సులు ఎల్లప్పు డూ లభించాలని మంత్రి పేర్ని నాని ఆకాంక్షించారు. ముస్లిం సోదరసోదరీమణులకు బక్రీద్‌ శుభాకాంక్ష లంటూ ఆయన పేర్కొన్నారు. భిన్నత్వంలో ఏకత్వమే మన దేశ గొప్పతన మని,కులమతాలకతీతంగా ప్రజలందరూ సుఖ సంతోషాలతో జీవించాలని ఆయన ఆకాంక్షించారు. కాగా కోవిడ్ కారణంగా ఈ ఏడాది ఇళ్ళ లోనే పండుగను నిరాడంబరంగా జరుపుకోవాలని, ఖుర్బానీలకు బదులుగా పేదలకు సాయం చేయాలని ముస్లిం మతపెద్దలు సైతం పిలుపునిస్తున్నారని మంత్రి పేర్ని నాని తెలిపారు

చత్తీస్ ఘడ్.నారాయణ్ పూర్ జిల్లా అమ్దాయ్,శివ మందిర్ మార్గమధ్యంలో పోలీసులు, మావోయిస్టుల మధ్య ఎదురుకాల్పులు కాల్పులలో ఐటిబిపి జవాన్ మృతి.మరో జవాన్ కు గాయాలు దృవీకరించిన ఏఎస్పీ నీరజ్ చంద్రకర్

సీనియర్ ఐపీఎస్ అధికారి ఆర్ఎస్ ప్రవీణ్ కుమార్ స్వచ్ఛంద పదవీ విరమణను ఆమోదించి, విధుల నుంచి రిలీవ్ చేసిన ప్రభుత్వం.

వైయస్ఆర్ కాంగ్రెస్ పార్టీలోకి గుంటూరు మాజీ ఎమ్మెల్యే జియాఉద్దీన్ .సీఎం శ్రీ వైయస్ జగన్ సమక్షంలో పార్టీలో చేరిన జియాఉద్దీన్.కండువా కప్పి పార్టీలోకి ఆహ్వానించిన సీఎం శ్రీ వైయస్ జగన్.

భారతీయ సమాజానికి సంస్కృతి నేర్పినది బీసీలేనని రాష్ట్ర ప్రభుత్వ ప్రజా వ్యవహారాల సలహాదారులు, వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి సజ్జల రామకృష్ణారెడ్డి తెలిపారు. అలాంటి వర్గాలు నేటికీ అభివృద్ధికి ఆమడ దూరంలో నిలిచిపోవడం పట్ల ఆయన ఆవేదన వ్యక్తం చేశారు. వారి వెనుకబాటుతనానికి గత పాలకుల పట్టనితనమే ప్రధాన కారణమని ఆయన ఆరోపించారు. దానికి పూర్తి విరుద్ధంగా అట్టడుగు వర్గాల్లో ఆఖరి వ్యక్తి వరకు అభివృద్ధి–సంక్షేమ ఫలాలు అందాలన్నదే లక్ష్యంగా ముఖ్యమంత్రి వైఎస్‌ జగన్‌ కృషి చేస్తున్నట్లు సజ్జల రామకృష్ణారెడ్డి వెల్లడించారు.

ఎంబీసీ కార్పొరేషన్‌ ఛైర్మన్‌ పెండ్ర వీరన్న అధ్యక్షతన సంచారజాతుల రాష్ట్ర స్థాయి ముఖ్య నేతల సమావేశం సోమవారం తాడేపల్లిలోని వైఎస్సార్‌ కాంగ్రెస్‌ పార్టీ కేంద్ర కార్యాలయంలో జరిగింది. ఈ సమావేశంలో ముఖ్య అతిథిగా పాల్గొన్న సజ్జల రామకృష్ణారెడ్డి మాట్లాడుతూ, ముఖ్యమంత్రి జగన్‌కు సమాజం పట్ల గల ప్రేమ, ప్రజా సమస్యల పరిష్కారం పట్ల గల చిత్తశుద్ధి, రాష్ట్రాభివృద్ధిపై గల అంకితభావం కారణంగా ఒక స్పష్టమైన అజెండా రూపొందించుకుని ఆయన ముందుకు సాగుతున్నారని తెలిపారు. తాను నమ్మిన సిద్ధాంతాన్ని, తన ఆలోచనలను ఆచరణ రూపంలో పెట్టడంపై ఉన్న పట్టుదల వలనే కోవిడ్‌ లాంటి కష్టకాలంలో కూడా సంక్షేమ పధకాలు ఆగకుండా కొనసాగాయన్నారు.

బీసీల అభ్యున్నతి కోసం ఆనాడు దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి… ఈనాడు ఆయన తనయుడు జగన్‌మోహన్‌రెడ్డి చేసినట్లు మరే ఇతర ముఖ్యమంత్రి చేయలేదని సజ్జల రామకృష్ణారెడ్డి అన్నారు. గత ముఖ్యమంత్రి చంద్రబాబు బీసీల కోసం చేసిందేమీ లేదని విమర్శించారు. ఎంబీసీల్లో ఉన్న 32 ఉప కులాల సంక్షేమం కోసమే దేశంలో ఎక్కడా లేని విధంగా ఒక ప్రత్యేక కార్పొరేషన్‌ ఏర్పాటు చేసిన ఘనత జగన్‌కే దక్కుతుందని చెప్పారు. వైఎస్సార్‌ కాంగ్రెస్‌ పార్టీ కేవలం నినాదాల పార్టీ కాదన్నారు. జగన్‌ ఆలోచనలకు అనుగుణంగా ప్రజల్లో చైతన్యం తెచ్చేందుకు నిరంతరం కృషి చేస్తుందని తెలిపారు. వైఎస్‌ జగన్‌ ముఖ్యమంత్రిగా ఉన్నారు కనుకనే ఇంతకాలం మరుగున పడి ఉన్న మన కులాలు వెలుగులోకి వచ్చి లబ్ధి పొందుతున్నామనీ… అదే మరొకరు ముఖ్యమంత్రి అయితే ఇది సాధ్యం కాదనీ… ముందుగా ఎంబీసీలు తెలుసుకోవాలని ఆయన కోరారు. తర్వాత ఈ వాస్తవాన్ని ఒక ఉద్యమంలా ప్రజల్లోకి తీసుకెళ్ళాని ఆయన కోరారు. మరింత మేలు జరిగే విధంగా రానున్న 30 సంవత్సరాల కాలంలో జగనే ముఖ్యమంత్రిగా కొనసాగే విధంగా ఆయనకు అన్ని విధాలా అండదండలందించాలని సజ్జల రామకృష్ణారెడ్డి పిలుపునిచ్చారు.

బీసీ సంక్షేమశాఖ మంత్రి చెల్లుబోయిన వేణుగోపాలకృష్ణ మాట్లాడుతూ, రాష్ట్రంలో బీసీల ప్రభుత్వం రాజ్యమేలుతుందన్నారు. దీన్ని బీసీల్లోని అన్ని కులాలు సద్వినియోగం చేసుకోవాలని సూచించారు. తద్వారా అన్ని రంగాల్లో అభివృద్ధి దిశగా ముందుకు సాగాలని కోరారు. ఇటు పార్టీ పదవులు, అటు ప్రభుత్వ నామినేటెడ్‌ పదవులు, ప్రభుత్వ పనుల్లో ముఖ్యమంత్రి జగన్‌ బీసీలకు సమాన వాటా కల్పిస్తున్నట్లు చెప్పారు. ఇది బీసీలకు శుభపరిణామన్నారు. బీసీల జీవితాల్లో సమూల మార్పులు తెచ్చే రీతిలో జగన్‌ తన పరిపాలనను కొత్త పుంతలు తొక్కిస్తున్నారని తెలిపారు. బీసీల జీవితాలు మరింత మెరుగుపడాలంటే… బీసీలు మరింత ఉన్నత స్థితికి చేరాలంటే… జగనే ముఖ్యమంత్రిగా కొనసాగాలని మంత్రి చెల్లుబోయిన వేణుగోపాలకృష్ణ అభిప్రాయపడ్డారు.

శాసనమండలి సభ్యులు, వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి లేళ్ళ అప్పిరెడ్డి మాట్లాడుతూ, ఎంబీసీ అంటే… మోస్ట్‌ బ్యాక్‌వర్డ్‌ క్యాస్ట్‌ కాదనీ – మోస్ట్‌ బ్యాక్‌బోన్‌ క్యాస్ట్‌ అనీ జగన్‌ నేతృత్వంలోని రాష్ట్ర ప్రభుత్వం ఎలుగెత్తి చాటిందని తెలిపారు. ముఖ్యమంత్రి జగన్‌ ఇచ్చిన ఊతాన్ని ఆసరా చేసుకుని ఎంబీసీల్లో ఉన్న 32 ఉప కులాలు ఒక్కొక్కటి ఒక్కొక్క బలమైన కులంగా ఎదగాలన్న ఆకాంక్షను ఆయన వ్యక్తం చేశారు. రానున్న కాలంలో ఒకొక్క కులానికి ఒక్కొక్క ప్రత్యేక కార్పొరేషన్‌ ఏర్పాటు చేయాల్సిన పరిస్థితి ఉత్పన్నం కావాలని ఆయన పేర్కొన్నారు. ఆ దిశగా మిమ్మల్ని బలోపేతం చేయడానికీ, మీలో నాయకత్వ లక్షణాలు పెంచడానికీ, రాజకీయంగా సమాన అవకాశాలు కల్పించి గౌరవప్రదమైన స్థానంలో నిలపడానికీ…దేశానికి స్వాతంత్య్రం వచ్చిన తర్వాత మరే ఇతర ముఖ్యమంత్రికీ పట్టని రీతిలో బీసీ కష్టసుఖాలు పట్టించుకుంటున్న ముఖ్యమంత్రి జగన్‌ ఆదేశాల మేరకు ఈ సమావేశాలు నిర్వహిస్తున్నట్లు అప్పిరెడ్డి చెప్పారు.

ఎమ్మెల్సీ జంగా కృష్ణమూర్తి మాట్లాడుతూ, రాజ్యాంగం కల్పించిన కూడు, గూడు, గుడ్డకు కూడా నోచని దుర్భర స్థితిలో సంచార జాతులు జీవనం కొనసాగిస్తున్నాయని విచారం వ్యక్తం చేశారు. ఈ పరిస్థితుల్లో వారి జీవనంలో సమూలమైన మార్పు తెచ్చేందుకు జగన్‌ ఎంబీసీ కార్పొరేషన్‌ ఏర్పాటు చేసినట్లు చెప్పారు. ఈ సమావేశంలో నవరత్నాల కార్యక్రమం ఎగ్జిక్యూటివ్‌ వైస్‌ ఛైర్మన్‌ అంకంరెడ్డి నారాయణమూర్తి, సంచార జాతుల సంఘాల నాయకులు గండగత్తిరి సుధాకర్, జి.రామాంజనేయులు, ముంగి గురవయ్య, ధనకొండ ఎబెల్‌ రాజు, జోగి వెంకటేష్, సాలా అశోక్‌ తదితరులు పాల్గొని ప్రసంగించారు.

గోవుల తరలింపు పై తెలంగాణ హై కోర్ట్ తీర్పు,సరైన ధృవ పత్రాలు లేకుండా గోవులను నగరంలోకి తరలించేందుకు అనుమతి లేదు.పోలీసులతో పాటు గొరక్ష ధల్ కు చెందిన ఒక వ్యక్తి పోలీస్ చెక్ పోస్ట్ వద్ద వాహనాలు తనికీలు చేసేందుకు కోర్ట్ అనుమతి.సరైన ధృవ పత్రాలు లేకుండా పశువులను తరలిస్తున్న వాటిని సీజ్ చేయవచ్చు,పశువుల తరలింపు పై గో రక్షకులు పోలీసులకు సమాచారం ఇవ్వాలి.ఫిర్యాదు వచ్చిన వెంటనే పోలీసులు పశువులు అక్రమంగా తరలిస్తున్న వారి పై దర్యాప్తు చేసి కేస్ లు నమోదు చేయాలి.

ఫోన్ల హ్యాకింగ్ రాజ్యాంగ విరుద్ధం – ఏపీసీసీ కార్యనిర్వాహక అధ్యక్షులు డా.ఎన్. తులసి రెడ్డి