TT Ads

భారత్, ఇంగ్లాండ్ మధ్య జరుగుతున్న సిరీస్‌లో ప్రతి మ్యాచ్‌లోనూ క్రికెటర్లు తమ నోటికి పని చెప్తున్నారు. ఇప్పటికే విరాట్ కోహ్లీ- బెన్‌స్టోక్స్, విరాట్ కోహ్లీ- జోస్ బట్లర్, మహ్మద్ సిరాజ్- బెన్‌స్టోక్స్, వాషింగ్టన్ సుందర్- జానీ బెయిర్‌స్టో, కృనాల్ పాండ్యా- టామ్ కరన్‌లు మైదానంలో గొడవపడగా.. పుణె వేదికగా శుక్రవారం రాత్రి ముగిసిన రెండో వన్డేలో ఆల్‌రౌండర్లు,హార్దిక్,శామ్ కరన్ మధ్య వాగ్వాదం చోటు చేసుకుంది.

మ్యాచ్‌లో 46వ ఓవర్ వేసిన శామ్ కరన్.. చివరి బంతిని ఆఫ్ స్టంప్‌కి వెలుపలగా యార్కర్ రూపంలో సంధించాడు. కానీ.ఆ బంతిని హిట్ చేయడంలో హార్దిక్ పాండ్యా విఫలమగా. అతడ్ని చూస్తూ శామ్ కరన్ తన నోటికి పనిచెప్పాడు. దాంతో.నాన్‌స్ట్రైక్ ఎండ్‌వైపు నెమ్మదిగా నడుచుకుంటూ వస్తున్న హార్దిక్ పాండ్యా.శామ్ కరన్ స్లెడ్జింగ్‌తో వేగంగా అతని వద్దకి పరుగెత్తుకుంటూ వచ్చి.అదే రీతిలో బదులిచ్చాడు. ఇద్దరు క్రికెటర్లు వాదులాడుకోవడంతో మధ్యలో కలగజేసుకున్న ఫీల్డ్ అంపైర్ వీరేంద‌ర్ శర్మ.హార్దిక్ పాండ్యాకి సర్దిచెప్తూ కనిపించాడు

మ్యాచ్‌లో కేఎల్ రాహుల్ (108: 114 బంతుల్లో 7×4, 2×6) సెంచరీ బాదడంతో టాస్ ఓడి మొదట బ్యాటింగ్ చేసిన టీమిండియా 6 వికెట్ల నష్టానికి 336 పరుగులు చేసింది. రాహుల్‌తో పాటు రిషబ్ పంత్ (77: 40 బంతుల్లో 3×4, 7×6), విరాట్ కోహ్లీ (66: 79 బంతుల్లో 3×4, 1×6) హాఫ్ సెంచరీలు నమోదు చేశారు. అనంతరం ఛేదనలో జానీ బెయిర్‌స్టో (124: 112 బంతుల్లో 11×4, 7×6), బెన్‌స్టోక్స్ (99: 52 బంతుల్లో 4×4, 10×6) దూకుడుగా ఆడేయడంతో ఇంగ్లాండ్ టీమ్‌ అలవోకగా 43.3 ఓవర్లలోనే 337/4తో విజయాన్ని అందుకుంది. దాంతో.. వన్డే సిరీస్ 1-1తో సమమైంది. ఇక విజేత నిర్ణయాత్మక చివరి వన్డే ఆదివారం మధ్యాహ్నం 1.30 గంటలకి ప్రారంభంకానుంది.

TT Ads

Leave a Reply

Your email address will not be published. Required fields are marked *