TT Ads

తూర్పుగోదావరి జిల్లా కాకినాడలో ఆర్టీసీ బస్సులో మంటలు కలకలంరేపాయి.కాకినాడ నుంచి విజయవాడ వెళ్తున్న ఏపీఎస్ ఆర్టీసీ ఇంద్ర ఏసీ బస్‌లో జిల్లా పరిషత్ సెంటర్ దగ్గర ఒక్కసారిగా మంటలు ఎగిసిపడ్డాయి.వెంటనే అప్రమత్తమైన డ్రైవర్, ప్రయాణికుల్ని అలర్ట్ చేశారు. వెంటనే అందరూ కిందకు దిగిపోవడంతో పెద్ద ప్రమాదం తప్పింది.ప్రయాణికులంతా సురక్షితంగా ఉండటంతో అందరూ ఊపిరి పీల్చుకున్నారు.

బస్సులో మంటలతో ఒక్కసారిగా రోడ్డుపై దట్టమైన పొగ అలముకుంది. బస్సులో మంటల్ని గమనించి స్థానికులు వెంటనే అగ్నిమాపక సిబ్బందికి సమాచార అందించారు. వారు వెంటనే రంగంలోకి దిగి మంటల్ని అదుపు చేశారు. షార్ట్ సర్క్యూట్ కారణంగానే బస్సులో మంటలు వచ్చాయని అనుమానిస్తున్నారు. ఆర్టీసీ అధికారులు ప్రయాణికుల్ని వేరే బస్సులో పంపించారు. ప్రమాదంలో బస్సు సగం వరకు కాలిపోయింది.

TT Ads

Leave a Reply

Your email address will not be published. Required fields are marked *